Kiernan Forbes: Rapa wa Afrika Kusini AKA auawa

 AKA, jina halisi Kiernan Forbes, na mwanamume mwingine waliuawa wakiwa wamesimama nje ya mgahawa mmoja huko Durban Ijumaa usiku. 

Magari mawili yalipita na kufyatua risasi muda mfupi kabla ya saa 10 jioni kwa saa za huko (8pm GMT), kulingana na ripoti za ndani.

Inafahamika alitakiwa kutumbuiza katika klabu ya usiku iitwayo YUGO Ijumaa usiku.

Notisi ilichapishwa kwenye mitandao ya kijamii, ikisema kuwa hafla hiyo ilighairiwa "kutokana na hali zisizotarajiwa".

AKA alipigwa risasi sita, kulingana na ripoti.

Rapa mzaliwa wa Cape Town AKA aliingia kwenye tasnia hiyo baada ya kuachia wimbo wa Victory Lap kutoka kwa albamu yake ya kwanza, Altar Ego, mnamo 2011.

Albamu hiyo ilishinda tuzo kadhaa na mnamo 2021 alitangazwa kuwa Msanii Bora wa Kiume wa Mwaka katika Tuzo za Muziki za Afrika Kusini.

Aliendelea kufanikiwa na albamu yake ya pili Levels mnamo 2014, ikifuatiwa na yake ya tatu, Touch My Blood, mnamo 2018.

AKA alichumbiana kwa muda mfupi na DJ Zinhle, na mnamo 2015 walimkaribisha binti Kairo.

Mashabiki waliofadhaika wamemtaja kama "rapper bora zaidi nchini Afrika Kusini".

Wazazi wa Forbes wamemuenzi katika taarifa iliyotumwa kwenye moja ya akaunti zake za mitandao ya kijamii.

"Kwetu sisi, Kiernan Jarryd Forbes alikuwa mwana, kaka, mjukuu, mpwa, binamu na rafiki, muhimu zaidi baba kwa binti yake mpendwa Kairo," waliandika.

"Kwa wengi, alikuwa AKA, Supa Mega, Bhova na majina mengine mengi ya upendo ambayo kundi lake la mashabiki walimwita. Mwana wetu alipendwa na alitoa upendo kwa malipo.

" Motsoane, ambaye pia alikuwa meneja wa zamani wa AKA, ametajwa kwenye mitandao ya kijamii kama "mtu wa kweli".

Afrika Kusini ina mojawapo ya viwango vya juu zaidi vya mauaji duniani na ufyatuaji risasi si jambo la kawaida.

Shirika la misaada la Gun Free Afrika Kusini, ambalo linafanya kazi ya kupunguza ghasia za utumiaji silaha nchini humo, linakadiria kuwa watu 30 wanauawa nchini humo kwa bunduki kila siku.